ಅತಿಯಾದ ಕೆಮ್ಮು ಕಾಡುತ್ತಿದ್ದರೆ ಇವುಗಳ ಸೇವನೆ ಮಾಡಿ ನೋಡಿ
ಕೆಲವೊಬ್ಬರಿಗೆ ಕೆಮ್ಮು ಹುಟ್ಟಿದರೆ ಕಡಿಮೆ ಆಗುವುದೇ ಇಲ್ಲ. ಕೆಮ್ಮಿ ಕೆಮ್ಮಿ ದೇಹದ ನರಗಳೆಲ್ಲ ಇನ್ನೇನು ಕಿತ್ತು ಬಂತೇನೋ ಎಂಬಷ್ಟು ಫೀಲ್ ಆಗುತ್ತದೆ. ಮಾತ್ರೆ, ಟಾನಿಕ್ ತೆಗೆದುಕೊಂಡರು ಈ ಕೆಮ್ಮು ಮಾತ್ರ ಕಡಿಮೆಯಾಗಲ್ಲ. ಅಂಥ ಕೆಮ್ಮಿಗೆ ಇಲ್ಲೊಂದಿಷ್ಟು ಟಿಪ್ಸ್ ಇದೆ ಫಾಲೋ ಮಾಡಿ ನೋಡಿ.
* ಕೆಮ್ಮು ಮತ್ತು ಗಂಟಲು ನೋವು ನಿವಾರಿಸುವುದಕ್ಕೆ ನೀವೂ ಜೇನುತುಪ್ಪವನ್ನು ಬಳಕೆ ಮಾಡಿಕೊಳ್ಳಬಹುದು. ಶುಂಠಿ ರಸದೊಂದಿಗೆ ಜೇನುತುಪ್ಪ ಸೇವಿಸುವುದರಿಂದ ಕೆಮ್ಮು ನಿವಾರಣೆಯಾಗುತ್ತದೆ.
* ಅನಾನಸ್ ತಿನ್ನುವುದರಿಂದಾನೂ ಕೆಮ್ಮು ಕಡಿಮೆಯಾಗುತ್ತದೆ. ಅನಾನಸ್ ನಲ್ಲಿ ಬ್ರೋಮೆಲಿನ್ ಅಂಶವೊಂದು ಕಂಡು ಬರುತ್ತದೆ. ಇದು ಕೆಮ್ಮನ್ನು ಕಡಿಮೆ ಮಾಡುವ ಶಕ್ತಿ ಹೊಂದಿದೆ.
* ಪುದೀನ ಕೂಡ ಕೆಮ್ಮನ್ನು ಕಡಿಮೆ ಮಾಡುತ್ತದೆ. ಕೆಮ್ಮು ಹೆಚ್ಚಾಗಿದ್ದರೆ ಪುದೀನಾ ಟೀ ಮಾಡಿಕೊಂಡು ಕುಡಿಯಬಹುದು. ಪುದೀನಾ ಎಲೆಗಳನ್ನು ಬಿಸಿ ನೀರಿಗೆ ಹಾಕಿ ಕುದಿಸಿ, ಅದರ ಹಬೆ ತೆಗೆದುಕೊಳ್ಳಬಹುದು.
* ನಿಮಗೆಲ್ಲಾ ಗೊತ್ತಿರುವಂತೆ ದೊಡ್ಡ ಪತ್ರೆ ಕೆಮ್ಮಿಗೆ ರಾಮಬಾಣವಿದ್ದಂತೆ. ಕೆಮ್ಮು ಹಾಗೂ ಕಫದ ನಿವಾರಣೆಗೆ ದೊಡ್ಡ ಪತ್ರೆ ರಾಮಬಾಣವಿದ್ದಂತೆ. ದೊಡ್ಡಪತ್ರೆಯನ್ನು ಜಜ್ಜಿ ಆ ರಸಕ್ಕೆ ಜೇನುತುಪ್ಪ ಸೇರಿಸಿ ಕುಡಿಯುವುದರಿಂದ ಕೆಮ್ಮು ಕಡಿಮೆಯಾಗುತ್ತದೆ. ಇದು ಆಂಟಿಬಯೋಟಿಕ್ ಗುಣಗಳಿಂದ ಸಮೃದ್ಧವಾಗಿದೆ.
* ಶುಂಠಿ ಕೆಮ್ಮು ಹೋಗಲಾಡಿಸಲು ಬೆಸ್ಟ್ ಮನೆ ಮದ್ದಾಗಿದೆ. ಇದರಲ್ಲಿ ಔಷಧೀಯ ಗುಣಗಳು ಸಂಪನ್ನವಾಗಿದೆ. ಶುಂಠಿಯೂ ನೈಸರ್ಗಿಕ ಉರಿಯೂತ ನಿವಾರಕವಾಗಿದೆ. ಶುಂಠಿ ಚಹಾ ಕುಡಿಯುವುದರಿಂದ ಪರಿಹಾರವನ್ನು ಕಂಡುಕೊಳ್ಳಬಹುದು.
* ಒಂದು ವೇಳೆ ಕೆಮ್ಮು ದೀರ್ಘಕಾಲದವರೆಗೂ ನಿಮ್ಮನ್ನು ಕಾಡುತ್ತಿದ್ದರೆ ಅರಿಶಿನದ ನೀರು ಬೆಸ್ಟ್ ಮೆಡಿಸಿನ್. ಅರಿಶಿನವು ಕರ್ಕ್ಯುಮಿನ್ ಎಂಬ ಸಂಯುಕ್ತವನ್ನು ಹೊಂದಿದೆ. ಇದರಿಂದ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತದೆ. ಕೆಮ್ಮು ಕಡಿಮೆ ಮಾಡಲು ಅರಿಶಿನದ ಚಹಾ ಅಥವಾ ನೀರು ಕುಡಿಯಿರಿ.
