For the best experience, open
https://m.suddione.com
on your mobile browser.
Advertisement

ಏಕದಿನ ಕ್ರಿಕೆಟ್‌ನಲ್ಲಿ ವಿಶ್ವ ದಾಖಲೆ ಸೃಷ್ಟಿಸಿದ ಭಾರತ : ಆ ದಾಖಲೆ ಮಾಡಿದ ಮೊದಲ ತಂಡ‌ ಎಂಬ ಹೆಗ್ಗಳಿಕೆ

09:15 AM Sep 25, 2023 IST | suddionenews
ಏಕದಿನ ಕ್ರಿಕೆಟ್‌ನಲ್ಲಿ ವಿಶ್ವ ದಾಖಲೆ ಸೃಷ್ಟಿಸಿದ ಭಾರತ   ಆ ದಾಖಲೆ ಮಾಡಿದ ಮೊದಲ ತಂಡ‌ ಎಂಬ ಹೆಗ್ಗಳಿಕೆ
Advertisement

ಸುದ್ದಿಒನ್ : ಇಂದೋರ್ ನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಭಾರತ ತಂಡ ಗೆಲುವು ಸಾಧಿಸಿದ್ದು ಗೊತ್ತೇ ಇದೆ. ಆದರೆ ಈ ಪಂದ್ಯದ ವೇಳೆ ಭಾರತ ಕ್ರಿಕೆಟ್ ತಂಡ ಅಪರೂಪದ ದಾಖಲೆ ಮಾಡಿದೆ. ಈ ಪಂದ್ಯದಲ್ಲಿ ಭಾರತ 399 ರನ್‌ಗಳ ಬೃಹತ್ ಸ್ಕೋರ್ ಮಾಡಿತ್ತು. ಅದರಲ್ಲಿ 18 ಸಿಕ್ಸರ್‌ಗಳೂ ದಾಖಲಾಗಿದ್ದವು. ಈ ಹಿನ್ನಲೆಯಲ್ಲಿ ಭಾರತ ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ 3000 ಸಿಕ್ಸರ್ ಬಾರಿಸಿದ ಮೊದಲ ತಂಡ ಎಂಬ ವಿಶ್ವ ದಾಖಲೆ ನಿರ್ಮಿಸಿದೆ. ಯಾವುದೇ ತಂಡಕ್ಕೆ ಸಾಧ್ಯವಾಗದ ದಾಖಲೆಯನ್ನು ಭಾರತ ತಂಡ ಮಾಡಿದೆ.

Advertisement

ಭಾರತದ ನಂತರ ವೆಸ್ಟ್ ಇಂಡೀಸ್ ಏಕದಿನದಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ ತಂಡವಾಗಿದೆ. ಆ ತಂಡದ ಆಟಗಾರರು 2,953 ಸಿಕ್ಸರ್ ಬಾರಿಸಿದ್ದರು.  ಪಾಕಿಸ್ತಾನ (2,566), ಆಸ್ಟ್ರೇಲಿಯಾ (2,476), ನ್ಯೂಜಿಲೆಂಡ್ (2,387), ಇಂಗ್ಲೆಂಡ್ (2,032), ದಕ್ಷಿಣ ಆಫ್ರಿಕಾ (1947), ಶ್ರೀಲಂಕಾ (1779),
ಜಿಂಬಾಬ್ವೆ (1303) ಮತ್ತು ಬಾಂಗ್ಲಾದೇಶ (959) ಕ್ರಮವಾಗಿ ನಂತರದ ಸ್ಥಾನಗಳಲ್ಲಿವೆ.

Advertisement

ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತ 399 ರನ್ ಗಳಿಸಿದೆ.  ಶುಭಮನ್ ಗಿಲ್ ಮತ್ತು ಶ್ರೇಯಸ್ ಅಯ್ಯರ್ ಶತಕ ಬಾರಿಸಿದರು. ಕೆಎಲ್ ರಾಹುಲ್ ಮತ್ತು ಸೂರ್ಯಕುಮಾರ್ ಯಾದವ್ ಕೂಡ ತಮ್ಮದೇ ಶೈಲಿಯಲ್ಲಿ ವಿಜೃಂಭಿಸಿದರು.  ಒಟ್ಟಾರೆ ಈ ಪಂದ್ಯದಲ್ಲಿ ಭಾರತದ ಬ್ಯಾಟ್ಸ್‌ಮನ್‌ಗಳು 18 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ.  ಸೂರ್ಯಕುಮಾರ್ ಯಾದವ್ ಖಾತೆಯಲ್ಲಿಯೇ ಅತಿ ಹೆಚ್ಚು 6 ಗಳಿವೆ.  ನಂತರ ಶುಭಮನ್ ಗಿಲ್ (4), ಶ್ರೇಯಸ್ ಅಯ್ಯರ್ (3), ಕೆಎಲ್ ರಾಹುಲ್ (3) ಮತ್ತು ಇಶಾನ್ ಕಿಶನ್ (2) ಸಿಕ್ಸರ್ ಗಳನ್ನು ಬಾರಿಸಿದ್ದಾರೆ.

Advertisement

ಆಸ್ಟ್ರೇಲಿಯಾ ವಿರುದ್ಧ ಭಾರತ ಗಳಿಸಿದ ಗರಿಷ್ಠ ಸ್ಕೋರ್ ಭಾನುವಾರದ ಪಂದ್ಯದಲ್ಲಿ ಎಂಬುದು ಗಮನಾರ್ಹ. ಇದಕ್ಕೂ ಮುನ್ನ 2013ರಲ್ಲಿ ಭಾರತ 383 ರನ್ ಗಳಿಸಿತ್ತು. 2013ರಲ್ಲಿ 19 ಸಿಕ್ಸರ್‍ಗಳನ್ನು ಭಾರತ ತಂಡ ಬಾರಿಸಿತ್ತು.

Advertisement
Advertisement

ಈ ಪಂದ್ಯದ ಗೆಲುವಿನೊಂದಿಗೆ ಭಾರತ ಸರಣಿಯನ್ನು ಗೆದ್ದುಕೊಂಡಿದೆ. ಮೂರನೇ ಏಕದಿನ ಪಂದ್ಯ ಇದೇ ತಿಂಗಳ 27 ರಂದು ನಡೆಯಲಿದೆ.  ನಾಯಕ ರೋಹಿತ್ ಶರ್ಮಾ, ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ, ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ, ಸ್ಪಿನ್ನರ್ ಕುಲದೀಪ್ ಯಾದವ್ ಮತ್ತು ವೇಗಿ ಜಸ್ಪ್ರೀತ್ ಬುಮ್ರಾ ಈ ಪಂದ್ಯಕ್ಕೆ ಲಭ್ಯವಿರುತ್ತಾರೆ.
ಏಕದಿನ ವಿಶ್ವಕಪ್‌ಗೂ ಮುನ್ನ ಕೊನೆಯ ಪಂದ್ಯವಾಗಿರುವುದರಿಂದ ಈ ಪಂದ್ಯದಲ್ಲಿ ಭಾರತ ಪೂರ್ಣ ತಂಡವನ್ನು ಕಣಕ್ಕಿಳಿಸುವ ಸಾಧ್ಯತೆ ಇದೆ.

Tags :
Advertisement