ಚಿತ್ರದುರ್ಗದಲ್ಲಿಂದು 4 ಕೇಸ್ ಪತ್ತೆ : ರಾಜ್ಯದಲ್ಲಿ ದಾಖಲಾದ ಒಟ್ಟು ಪ್ರಕರಣಗಳ ವಿವರ ಇಲ್ಲಿದೆ...!

ಸುದ್ದಿಒನ್ : ಆರೋಗ್ಯ ಇಲಾಖೆ ಕೊರೊನಾ ವಿಚಾರದಲ್ಲಿ ಹೈ ಅಲರ್ಟ್ ಆಗಿದ್ದು, ಪ್ರತಿ ದಿನ ಕರೋನಾ ಟೆಸ್ಟ್ ನಡೆಸುತ್ತಿದೆ. ರಾಜ್ಯಾದ್ಯಂತ ಕಳೆದ 24 ಗಂಟೆಯಲ್ಲಿ ಸುಮಾರು 173 ಕೊರೊನಾ ಕೇಸ್ ದಾಖಲಾಗಿದೆ. ಈ ಮೂಲಕ 702 ಸಕ್ರಿಯ ಕೊರೊನಾ ಕೇಸ್ ಗಳು ಇದೆ. ಚಿತ್ರದುರ್ಗ ಜಿಲ್ಲೆಯಲ್ಲಿ 4 ಪ್ರಕರಣಗಳು ದಾಖಲಾಗಿವೆ.

ಕಳೆದ 24 ಗಂಟೆಯಲ್ಲಿ ಆರೋಗ್ಯ ಇಲಾಖೆ 6400 RTPCR ಟೆಸ್ಟ್ ಮಾಡಿದ್ದರೆ, 1949 RAT ಟೆಸ್ಟ್ ಮಾಡಿದೆ. ಈ ರೀತಿ ಟೆಸ್ಟ್ ಮಾಡಿದ್ದರ ಪರಿಣಾಮ 173 ಪಾಸಿಟಿವ್ ಕೇಸ್ ಗಳು ದೃಢಪಟ್ಟಿದೆ.

ಇಂದು ಯಾವುದೇ ಸಾವು ಕೊರೊನಾದಿಂದ ಸಂಭವಿಸಿಲ್ಲ. ಹೋಂ ಐಸೋಲೇಷನ್ ನಲ್ಲಿ 649 ಜನರಿದ್ದು, ಹಾಸ್ಪಿಟಲ್ ನಲ್ಲಿ 53 ಜನ ಚಿಕಿತ್ಸೆ ಪಡೆಯುತ್ತಿದ್ದಾರೆ. 12 ಜನ ಐಸಿಯು ನಲ್ಲಿದ್ದಾರೆ. ಉಳಿದಂತೆ 37 ಜನ ಹುಷರಾಗಿ ಮನೆಗೆ ತೆರಳಿದ್ದಾರೆ.