ಸುಮಲತಾ ಅಜ್ಜಿ ಆಗ್ತಾ ಇದಾರಾ..? ಅಂಬಿ ಸಮಾಧಿಗೆ ಪೂಜೆ ಸಲ್ಲಿಸಿ ಮಗ-ಸೊಸೆ ಬಗ್ಗೆ ಹೇಳಿದ್ದೇನು..?

ಇಂದು ರೆಬಲ್ ಸ್ಟಾರ್ ಅಂಬರೀಶ್ ಅವರ 72ನೇ ವರ್ಷದ ಹುಟ್ಟುಹಬ್ಬ. ಅವರು ದೈಹಿಕವಾಗಿ ಜೊತೆಗೆ ಇದ್ದಿದ್ದರೆ ಈ ಸಂಭ್ರಮ ಬೇರೆ ರೀತಿಯಾಗಿಯೇ ಇರುತ್ತಾ ಇತ್ತು. ಆದರೆ ಅವರಿಲ್ಲದ ಹುಟ್ಟುಹಬ್ಬವನ್ನು ಸಮಾಧಿಗೆ ಪೂಜೆ ಸಲ್ಲಿಸುವ ಮೂಲಕ ಆಚರಿಸಿದ್ದಾರೆ.

ಸ್ಯಾಂಡಲ್ ವುಡ್ ತಾರೆಯರು ತಮ್ಮ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕುವ ಮೂಲಕ ಅಂಬಿಗೆ ವಿಶ್ ಮಾಡುತ್ತಿದ್ದಾರೆ. ದರ್ಶನ್ ಸದಾ ಅಪ್ಪಾಜಿ ಸ್ಥಾನದಲ್ಲಿಯೇ ಅವರನ್ನು ನೋಡುವುದು. ಬುಲ್ ಬುಲ್ ಸಿನಿಮಾದಲ್ಲಿ ಸೀನಿಯರ್-ಜೂನಿಯರ್ ಕಾಂಬಿನೇಷನ್ ಹಿಟ್ ಆಗಿತ್ತು. ಅದೇ ಫೋಟೋ ಹಾಕಿ ವಿಶ್ ಮಾಡಿದ್ದಾರೆ. ಇನ್ನು ಬೆಳಗ್ಗೆನೆ ಕುಟುಂಬಸ್ಥರು ಅಂಬಿ ಸಮಾಧಿ ಬಳಿ ಹೋಗಿ ಪೂಜೆ ಸಲ್ಲಿಸಿದ್ದಾರೆ. ಮಗ - ಸೊಸೆ ಜೊತೆಗೆ ಹೋಗಿ ಸುಮಲತಾ ಅವರು ಪೂಜೆ ಮಾಡಿ ಬಂದಿದ್ದಾರೆ. ಅಂಬಿ ಸಮಾಧಿ ಹೂಗಳಿಂದ ಅಲಂಕಾರಗೊಂಡಿದೆ.

ಈ ವೇಳೆ ಸುಮಲತಾ ಅವರಿಗೆ ಮಾಧ್ಯಮದವರು ಹಲವು ಪ್ರಶ್ನೆಗಳನ್ನು ಕೇಳಿದ್ದಾರೆ. ಪ್ರಹ್ವಲ್ ರೇವಣ್ಣ ಅವರ ಪೆನ್ ಡ್ರೈವ್ ವಿಚಾರ ಕೇಳಿದಾಗ, ಇಲ್ಲಿ ಅದನ್ನು ಮಾತನಾಡುವುದಲ್ಲ. ಬೇರೆ ಕಾರ್ಯಕ್ಕೆ ಬಂದಿದ್ದೇವೆ ಎಂದಿದ್ದಾರೆ. ಇನ್ನು ಮಗ ಸೊಸೆ ಏನಾದ್ರೂ ಗುಡ್ ನ್ಯೂಸ್ ಕೊಟ್ಟಿದ್ದಾರಾ..? ನೀವೂ ಅಜ್ಜಿ ಆಗುತ್ತಾ ಇದ್ದೀರಾ ಎಂದು ಕೇಳಿದ ಪ್ರಶ್ನೆಗೆ ಸಮಯ ಬಂದಾಗ ನಾನೇ ನಿಮಗೆ ಹೇಳುತ್ತೇನೆ ಎಂದಿದ್ದಾರೆ.

ಅವಿವಾ ಬಿದಪ್ಪ ಹಾಗೂ ಅಭಿಷೇಕ್ ಅಂಬರೀಶ್ ಕಳೆದ ವರ್ಷವಷ್ಟೇ ಮದುವೆಯಾಗಿದ್ದಾರೆ. ಇಬ್ಬರು ಹಲವು ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದರು. ಮನೆಯವರ ಒಪ್ಪಿಗೆ ಮೇರೆಗೆ ಅದ್ದೂರಿಯಾಗಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.