ಬಿಜೆಪಿ ಸಂಸದೆಯಿಂದ ಇಸ್ಕಾನ್ ಬಗ್ಗೆ ಗಂಭೀರ ಆರೋಪ..!

ದೇಶದ ಅತಿ ದೊಡ್ಡ ಮೋಸಗಾರ ಸಂಸ್ಥೆ ಅಂದರೆ ಅದು ಇಸ್ಕಾನ್. ಗೋವುಗಳನ್ನು ಕಟುಕರಿಗೆ ಮಾಡುತ್ತಿದೆ ಎಂದು ಬಿಜೆಪಿ ಸಂಸದೆ ಮನೇಕಾ ಗಾಂಧಿ ಗಂಭೀರ ಆರೋಪ ಮಾಡಿದ್ದಾರೆ.

Advertisement

ಇಸ್ಕಾನ್ ಸಂಸ್ಥೆ ಗೋಶಾಲೆಗಳನ್ನು ನಡೆಸುತ್ತಾ ಸರ್ಕಾರದಿಂದ ದೊಡ್ಡ ಮಟ್ಟದ ಅನುದಾನ ಪಡೆಯುತ್ತಿದೆ. ರಸ್ತೆಯ ಮೇಲೆ ಹರೇ ರಾಮ, ಹರೇ ಕೃಷ್ಣ ಹಾಡು ಹೇಳುತ್ತಾ, ನಮ್ಮ ಇಡೀ ಜೀವನ ಹಾಲಿನ ಮೇಲೆಯೇ ನಡೆಯುತ್ತದೆ ಎಂದೇ ಸಾರುತ್ತಾರೆ. ಆದರೆ ಇಸ್ಕಾನ್ ಗೋಶಾಲೆ ಹಸುಗಳನ್ನು ಕಟುಕರಿಗೆ ಮಾರುತ್ತಿದೆ ಎಂದೇ ಆರೋಪಿಸಿದ್ದಾರೆ.

Advertisement

ಮನೇಕಾ ಗಾಂಧಿ ಅವರ ಆರೋಪಕ್ಕೆ ಪ್ರತಿಕ್ರಿಯೆ ನೀಡಿರುವ ಇಸ್ಕಾನ್ ವಕ್ತಾರ ಯುದಿಷ್ಟ್ ಗೋವಿಂದ ದಾಸ್, ಈ ಆರೋಪವನ್ನು ತಳ್ಳಿ ಹಾಕಿದ್ದಾರೆ. ಭಾರತ ಮಾತ್ರವಲ್ಲದೆ ಇಡೀ ಜಗತ್ತಿನಾದ್ಯಂತ ಗೋವುಗಳ ರಕ್ಷಣೆಯ ಮುಂಚೂಣಿಯಲ್ಲಿರುವುದು ಇಸ್ಕಾನ್. ನಾವೂ ಯಾರಿಗೂ ಗೋವುಗಳನ್ನು ಮಾರಿಲ್ಲ. ಆದರೆ ನಮ್ಮ ಹಿತೈಶಿಯಾಗಿದ್ದವರು ಈ ರೀತಿ ಹೇಳಿಕೆ ನೀಡಿರುವುದು ಆಶ್ಚರ್ಯ ತಂದಿದೆ ಎಂದಿದ್ದಾರೆ.