ಬೆಂಗಳೂರಿನ ಫೋರ್ಟಿಸ್ ಆಸ್ಪತ್ರೆಯಲ್ಲಿ ಯಶಸ್ವಿ ಮ್ಯಾಕೋ ರೋಬೋಟಿಕ್ ಸರ್ಜರಿ : ಸಂತಸ ಹಂಚಿಕೊಂಡ ಚಿಕಿತ್ಸೆ ಪಡೆದ ಮಹಿಳೆ
ವರದಿ ಮತ್ತು ಫೋಟೋ ಕೃಪೆ
ಸುರೇಶ್ ಪಟ್ಟಣ್,
ಮೊ : 98862 95817
ಸುದ್ದಿಒನ್, ಚಿತ್ರದುರ್ಗ ಜ. 23 : ಬೆಂಗಳೂರಿನ ಬನ್ನೇರುಘಟ್ಟ ರಸ್ತೆಯಲ್ಲಿರುವ ಫೋರ್ಟಿಸ್ ಆಸ್ಪತ್ರೆಯಲ್ಲಿ ಚಿತ್ರದುರ್ಗದ 60 ವರ್ಷದ ಮಹಿಳೆಗೆ ಮ್ಯಾಕೋ ರೋಬೋಟಿಕ್ ಸರ್ಜರಿ ಮೂಲಕ ಮೊಣಕಾಲು ಬದಲಿ ಯಶಸ್ವಿ ಶಸ್ತ್ರಚಿಕಿತ್ಸೆಯನ್ನು ಯಶಸ್ವಿಯಾಗಿ ಮಾಡಲಾಗಿದ್ದು ಮ್ಯಾಕೋ ರೋಬೋಟಿಕ್ ಆರ್ಮ್-ಅಸಿಸ್ಟೆಡ್ ಶಸ್ತ್ರಚಿಕಿತ್ಸೆಯ ಮೂಲಕ ಹೊಸ ಜೀವನ ನೀಡಿದೆ. ಆವರು ಈಗ ಎಂದಿನಂತೆ ಓಡಾಡುತ್ತಾ ತಮ್ಮ ಕೆಲಸವನ್ನು ಅವರೆ ಮಾಡಿಕೊಳ್ಳುತ್ತಿದ್ದಾರೆ ಎಂದು ಫೋರ್ಟಿಸ್ ಆಸ್ಪತ್ರೆಯ ಮೂಳೆಚಿಕಿತ್ಸಾ ವಿಭಾಗದ ಸಲಹೆಗಾರ ಡಾ. ನವೀನ್ ಡಿ. ತಿಳಿಸಿದರು.
ನಗರದ ಹೋಟೇಲ್‌ವೊಂದರಲ್ಲಿ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ಮೂರು ವರ್ಷಗಳ ಹಿಂದೆ, ಚಿತ್ರದುರ್ಗದ 60 ವರ್ಷದ ಜಯಮ್ಮ ಅವರು ಮೊಣಕಾಲು ನೋವನ್ನು ಅನುಭವಿಸಲು ಪ್ರಾರಂಭಿಸಿದರು, ಬಳಿಕ ಆಸ್ಪತ್ರೆಗೆ ತೋರಿಸಿದಾಗ ಅವರಿಗೆ ಎರಡು ಮೊಣಕಾಲುಗಳ ಅಸ್ಥಿಸಂಧಿವಾತದಿಂದ ಬಳಲುತ್ತಿರುವುದು ತಿಳಿದು ಬಂತು, ಇದು ಮೂಳೆ ಕಾರ್ಟಿಲೆಜ್ ಕ್ಷೀಣಿಸಿ, ಮೊಣಕಾಲಿನ ಮೂಳೆಯಿಂದ ಮೂಳೆಗೆ ಘರ್ಷಣೆಯನ್ನು ಉಂಟುಮಾಡುತ್ತದೆ. ಆಕೆಗೆ ಮೊಣಕಾಲು ಬದಲಿ ಶಸ್ತ್ರಚಿಕಿತ್ಸೆಗೆ ಒಳಗಾಗಲು ಸಲಹೆ ನೀಡಲಾಯಿತು. ಆದಾಗ್ಯೂ, ಚಿತ್ರದುರ್ಗದಲ್ಲಿ ಅನೇಕ ವೈದ್ಯರನ್ನು ಸಂಪರ್ಕಿಸಿದರೂ, ಶಸ್ತ್ರಚಿಕಿತ್ಸೆಯೊಂದಿಗೆ ಮುಂದುವರಿಯಲು ಆಕೆಗೆ ಆತ್ಮವಿಶ್ವಾಸ ಮತ್ತು ಸರಿಯಾದ ಮಾಹಿತಿಯನ್ನು ಸಂಗ್ರಹಿಸಲು ಸಾಧ್ಯವಾಗಲಿಲ್ಲ ಎಂದರು.
ಅವರ ಸ್ಥಿತಿಯು ವಿಶೇಷವಾಗಿ ಮೊಣಕಾಲು ಮಡಿಚಿ ಕುಳಿತುಕೊಳ್ಳುವಾಗ ಅಥವಾ ಜೋರಾಗಿ ನಡೆಯುವಾಗ ಹೆಚ್ಚಾಗಿ ನೋವು ಕಾಣಿಸಿಕೊಳ್ಳುತ್ತಿತ್ತು. ಇದು ಅವರ ದೈನಂದಿನ ಜೀವನದ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರಲು ಪ್ರಾರಂಭಿಸಿತು.ಡಾ. ನವೀನ್ ಸಾಂಪ್ರದಾಯಿಕ ಮತ್ತು ರೊಬೊಟಿಕ್ ಶಸ್ತ್ರಚಿಕಿತ್ಸೆಯ ಆಯ್ಕೆಯ ಬಗ್ಗೆ ಸಂಪೂರ್ಣವಾಗಿ ವಿವರಿಸಿದರು, ಜಯಮ್ಮ ತಿಳುವಳಿಕೆಯುಳ್ಳ ನಿರ್ಧಾರವನ್ನು ತೆಗೆದುಕೊಳ್ಳಲು ಅವಕಾಶ ಮಾಡಿಕೊಟ್ಟರು. ಸಾಂಪ್ರದಾಯಿಕ ವಿಧಾನಕ್ಕಿಂತ ಅದರ ಅನುಕೂಲಗಳನ್ನು ಪರಿಗಣಿಸಿ ಅವರು ನಂತರ ರೋಬೋಟಿಕ್ ಶಸ್ತ್ರಚಿಕಿತ್ಸೆಯನ್ನು ಆರಿಸಿಕೊಂಡರು.
ರೋಗಿಯ ಅಧಿಕ ರಕ್ತದೊತ್ತಡದ ಇತಿಹಾಸವನ್ನು ಗಮನದಲ್ಲಿಟ್ಟುಕೊಂಡು, ಹೃದ್ರೋಗ ತಜ್ಞರು ಮತ್ತು ಸೂಕ್ತ ವೈದ್ಯರ ಸಲಹೆಯನ್ನು ಪಡೆದು ಆಕೆಯ ಶಸ್ತ್ರಚಿಕಿತ್ಸಾ ಸಾಮರ್ಥ್ಯವನ್ನು ತಿಳಿದುಕೊಂಡೆವು ಎರಡೂ ಮೊಣಕಾಲು ಶಸ್ತ್ರಚಿಕಿತ್ಸೆಗಳನ್ನು ಮ್ಯಾಕೊ ರೋಬೋಟಿಕ್ ತಂತ್ರಜ್ಞಾನದ ಮೂಲಕ ಒಂದೇ ದಿನದಲ್ಲಿ ನಡೆಸಲಾಯಿತು, ಇದು ರೋಗಿಯ ರೋಗಿಯ ಮೊಣಕಾಲುಗಳ ಅಭೂತಪೂರ್ವ ನಿಖರತೆಯೊಂದಿಗೆ 3ಆ ವರ್ಚುವಲ್ ಮಾದರಿಯನ್ನು ತೋರಿಸಲಿದ್ದು, ಈ ಮೂಲಕ ನೂಕ್ತರೀತಿಯಲ್ಲಿ ಶಸ್ತ್ರಚಿಕಿತ್ಸೆ ನಡೆಸಲು ಸಹಕಾರಿಯಾಯಿತು. ಸಾಂಪ್ರದಾಯಿಕ ಮೊಣಕಾಲು ಮತ್ತು ಸೊಂಟ ಬದಲಿ ಶಸ್ತ್ರಚಿಕಿತ್ಸೆಗಳು ಕಳೆದ ಮೂರು ದಶಕಗಳಿಂದ ರೋಗಿಗಳ ಜೀವನದ ಗುಣಮಟ್ಟವನ್ನು ಹೆಚ್ಚಿಸಿವೆ. ಆದಾಗ್ಯೂ, ಮ್ಯಾಕೋ ತಂತ್ರಜ್ಞಾನವು ಗಣನೀಯವಾಗಿ ನಿಖರತೆಯನ್ನು ಹೆಚ್ಚಿಸುವ ಮೂಲಕ ಈ ಕ್ಷೇತ್ರದಲ್ಲಿ ಕ್ರಾಂತಿಗೊಳಿಸಿದೆ, ಅಷ್ಟೇ ಅಲ್ಲದೆ, ಮೂಳೆ ಮತ್ತು ಮೃದು ಅಂಗಾಂಶವನ್ನು ಸಂರಕ್ಷಿಸಲು ಸಹ ಸಹಾಯ ಮಾಡುತ್ತದೆ ಎಂದರು.
ಚಿಕಿತ್ಸೆ ಪಡೆದ ಜಯಮ್ಮ ಮಾತನಾಡಿ, ರೊಬೊಟೆಕ್ ಸರ್ಜರಿಯಿಂದ ನನಗೆ ಹೂಸ ಜೀವನವನ್ನು ನೀಡಿದೆ. ನೋವಿನಿಂದ ನನ್ನನ್ನು ಮುಕ್ತಗೂಳಿಸಿದ್ದು ನಾನು ಎಂದಿನಂತೆ ಜೀವನ ನಡೆಸಲು ಸಹಕಾರಿ ಮಾಡಿದೆ ಎಂದು ತಮ್ಮ ಅನುಭವ ಹಂಚಿಕೊಂಡರು.
