ಚಿತ್ರದುರ್ಗದಲ್ಲಿ ಟ್ರೆಂಡ್ ಆಯ್ತು ರಾಮನ ಟ್ಯಾಟೂ : ಹೇಗಿದೆ ಕ್ರೇಜ್..?

ಸುದ್ಚಿದಿಒನ್, ಚಿತ್ರದುರ್ಗ , ಜನವರಿ.22 : ಇಂದು ಅಯೋಧ್ಯೆಯಲ್ಲಿ ರಾಮ ಮಂದಿರ ಉದ್ಘಾಟನೆಯಾಗಿದೆ. ಬಾಲರಾಮನ ಸುಂದರವಾದ ಮೂರ್ತಿಯನ್ನು ಕಣ್ತುಂಬಿಕೊಂಡಿರುವ ಖುಷಿಯಲ್ಲಿದೆ ಇಡೀ ದೇಶ. ಆದರೆ ಚಿತ್ರದುರ್ಗದಲ್ಲಿ ಬೇರೆಯದ್ದೇ ಟ್ರೆಂಡ್ ಶುರುವಾಗಿದೆ. ಶ್ರೀರಾಮ ಟ್ಯಾಟೂ ಟ್ರೆಂಡ್ ಯುವಕರಲ್ಲಿ ಹೊಸ ಕ್ರೇಜ್ ಸೃಷ್ಟಿಸಿದೆ.

ಚಿತ್ರದುರ್ಗದ ಯುವಕರು, ರಾಮನ ಟ್ಯಾಟೂ, ರಾಮ-ಹನುಮಂತನ ಟ್ಯಾಟೂ ಹಾಕಿಸಿಕೊಳ್ಳುತ್ತಿದ್ದಾರೆ. ಕಲಾವಿದ ಮಣಿ ಎಂಬುವವರು ಅಯೋಧ್ಯೆ, ರಾಮ ಮಂದಿರ, ರಾಮನ ಟ್ಯಾಟೂಗಳನ್ನು ಹಾಕುತ್ತಿದ್ದಾರೆ. ಕೈ ಮತ್ತು ಎದೆ ಭಾಗದಲ್ಲಿ ಟ್ಯಾಟೂ ಹಾಕಿಸಲಾಗುತ್ತಿದೆ.

ಈ ರೀತಿಯಾದ ಟ್ಯಾಟೂವನ್ನು ಕೋಟೆನಾಡಿನಲ್ಲಿ ಈಗಾಗಲೇ 150ಕ್ಕೂ ಹೆಚ್ಚು ಯುವಕರು ಹಾಕಿಸಿಕೊಂಡಿದ್ದಾರೆ. ಅಯೋಧ್ಯೆಯಲ್ಲಿ ರಾಮ ಮಂದಿರ ಉದ್ಘಾಟನೆಯಾಗಿದ್ದೆ ತಡ, ಭಕ್ತರೆಲ್ಲ ನಾನಾ ರೀತಿಯಲ್ಲಿ ಶ್ರೀರಾಮನಿಗೆ ತಮ್ಮ ಭಕ್ತಿಯನ್ನು ತೋರಿಸುತ್ತಿದ್ದಾರೆ. ಇವತ್ತಂತು ಚಿತ್ರದುರ್ಗದೆಲ್ಲೆಡೆ ದೇವಸ್ಥಾನಗಳು ಹೂಗಳಿಂದ ಅಲಂಕಾರಗೊಂಡಿದ್ದವು.‌ ವಿಶೇಷ ಪೂಜೆ ಸಲ್ಲಿಸಿ, ಪಾನಕ, ಕೋಸುಂಬರಿ ಸೇರಿದಂತೆ ಹಲವೆಡೆ ಅನ್ನಸಂತರ್ಪಣೆಯನ್ನು ಮಾಡಿದರು.