ಕೃಷಿಸಾಲದ ಅಸಲು ಪಾವತಿಸಿದರೆ ಬಡ್ಡಿ ಮನ್ನಾ

Advertisement

ಸುದ್ದಿಒನ್,  ಚಿತ್ರದುರ್ಗ. ಜ.25: ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ (ಪಿಎಲ್‍ಡಿ) ಬ್ಯಾಂಕುಗಳಲ್ಲಿ ರೈತರು ಪಡೆದ ಮಧ್ಯಮಾವಧಿ, ದೀರ್ಘಾವಧಿ ಕೃಷಿ ಮತ್ತು ಕೃಷಿ ಸಂಬಂಧಿತ ಸಾಲದ ಅಸಲು ಪಾವತಿಸಿದರೆ, ಸಂಪೂರ್ಣ ಬಡ್ಡಿ ಮನ್ನಾ ಮಾಡುವ ಬಗ್ಗೆ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.

Advertisement

ದಿನಾಂಕ 31-12-2023 ರವರೆಗಿನ ಸುಸ್ತಿಯಾದ ಕಂತು ಸಾಲಗಳನ್ನು ದಿನಾಂಕ 20-02-2024ರ ಒಳಗಾಗಿ ಪಾವತಿಸಿದರೆ, ಅಂತಹ ರೈತರ ಅಸಲಿನ ಮೇಲಿನ ಬಡ್ಡಿಯನ್ನು ಸಂಪೂರ್ಣ ಮನ್ನಾ ಮಾಡಲಾಗುವುದು. ಈ ಕುರಿತು ಹತ್ತಿರದ ಪಿ.ಎಲ್.ಡಿ ಬ್ಯಾಂಕುಗಳ ವ್ಯವಸ್ಥಾಪಕರನ್ನು ಸಂಪರ್ಕಿಸಬಹುದು. ಯೋಜನೆಯ ಸದುಪಯೋಗ ಪಡೆದುಕೊಂಡು ಸಾಲದಿಂದ ಋಣಮುಕ್ತವಾಗುವಂತೆ ಕರ್ನಾಟಕ ರಾಜ್ಯ ಸಹಕಾರಿ ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್ ಚಿತ್ರದುರ್ಗ ಶಾಖಾ ಕಚೇರಿಯ ಜಿಲ್ಲಾ ನಿರ್ದೇಶಕಿ ಬಿ.ಎನ್.ಶೋಭಾ ಉಮೇಶ್ ಕುಮಾರ್ ರೈತರ ಭಾಂದವರಲ್ಲಿ ಕೋರಿದ್ದಾರೆ.

Advertisement