ನಾಳೆ ಚಿತ್ರದುರ್ಗಕ್ಕೆ ತುಮಕೂರಿನ ವೀರವನಿತೆ ಒನಕೆ ಓಬವ್ವ ಮಹಿಳಾ ಬಳಗದ ಐವತ್ತು ಮಂದಿ ಮಹಿಳೆಯರು ಆಗಮನ

ಸುದ್ದಿಒನ್, ಚಿತ್ರದುರ್ಗ, ಡಿಸೆಂಬರ್.21 : ಚಾರಿತ್ರಿಕ ನಗರ ಚಿತ್ರದುರ್ಗಕ್ಕೆ ತುಮಕೂರಿನ ವೀರವನಿತೆ ಒನಕೆ ಓಬವ್ವ ಮಹಿಳಾ ಬಳಗದ ಸುಮಾರು ಐವತ್ತು ಮಂದಿ ಮಹಿಳೆಯರು ನಾಳೆ ( ಶುಕ್ರವಾರ )ಬೆಳಿಗ್ಗೆ 11 ಗಂಟೆಗೆ ಆಗಮಿಸಲಿದೆ ಎಂದು ಒನಕೆ ಓಬವ್ವ ವಂಶಸ್ಥರಾದ ಶ್ರೀಮತಿ ಸುವರ್ಣ ರಾಜಶೇಖರ್ ತಿಳಿಸಿದ್ದಾರೆ.

ಚಿತ್ರದುರ್ಗ ಕೋಟೆಯನ್ನು ರಕ್ಷಣೆ ಮಾಡಿದ ವೀರ ವನಿತೆ ಒನಕೆ ಓಬವ್ವ ಅವರ ಹೆಸರನ್ನು ಶಾಶ್ವತವಾಗಿ ಉಳಿಸಿ ಆಕೆಯ ಶಕ್ತಿ . ಪರಾಕ್ರಮ  ಮತ್ತು ಹೋರಾಟ ಇನ್ನಿತರೆ ವಿಚಾರಗಳನ್ನು ಸಮಾಜಕ್ಕೆ ತಿಳಿಸಿಕೊಡುವ ಜೊತೆಗೆ ಸಮಾಜದಲ್ಲಿ ಮಹಿಳಾ ಶಕ್ತಿ ಗಟ್ಟಿಗೊಳಿಸುವ ಉದ್ದೇಶ ಹೊಂದಿರುವ ಈ ಸಂಘಟನೆ ಇಂದು ದುರ್ಗಕ್ಕೆ ಭೇಟಿ ನೀಡಿ ಒನಕೆ ಓಬವ್ವ ಅವರ ಪ್ರತಿಮೆಗೆ ಪುಷ್ಪ ಮಾಲಾರ್ಪ ನೆ  ಮಾಡಲಿದ್ದಾರೆ.

ಬಳಿಕ ಕೋಟೆಯ ಒನಕೆ ಓಬವ್ವ ನ ಕಿಂಡಿ ವೀಕ್ಷಿಸಿ ಅವರ ಸಮಾಧಿಗೆ ತೆರಳಿ ವಿಶೇಷ ಪೂಜೆ ಸಲ್ಲಿಸಲಿದ್ದಾರೆ
ಈ ಬಳಗದ ಅಧ್ಯಕ್ಷರಾದ ಶ್ರೀಮತಿ ವಿಜಯ ಲಕ್ಷ್ಮೀ  ಸೇರಿದಂತೆ ಎಲ್ಲಾ ಪದಾಧಿಕಾರಿಗಳು ಭಾಗವಹಿಸುವರು ಎಂದು ಅವರು ತಿಳಿಸಿದ್ದಾರೆ.