ಡಿ.ದೇವರಾಜ್ ಅರಸ್ ಶಿಕ್ಷಣ ಸಂಸ್ಥೆಯಲ್ಲಿ ನಡೆದ ಡೆಸ್ಟಿನಿ-2023 ಕಾರ್ಯಕ್ರಮಕ್ಕೆ ವರ್ಣರಂಜಿತ ತೆರೆ : ಕಣ್ಮನ ಸೆಳೆದ ಡಿಜೆ ನೈಟ್
ವರದಿ ಮತ್ತು ಫೋಟೋ ಕೃಪೆ ಕೆ.ಎಂ.ಮುತ್ತುಸ್ವಾಮಿ ಕಣ್ಣನ್,
ಮೊ : 78998 64552
ಸುದ್ದಿಒನ್, ಚಿತ್ರದುರ್ಗ, ಡಿಸೆಂಬರ್.24 : ಚಳ್ಳೆಕೆರೆ ಟೋಲ್‍ಗೇಟ್‍ನಲ್ಲಿರುವ ಡಿ.ದೇವರಾಜ್ ಅರಸ್ ಶಿಕ್ಷಣ ಸಂಸ್ಥೆಯ ನಲವತ್ತು ವರ್ಷಗಳ ಶೈಕ್ಷಣಿಕ ಸಾರ್ಥಕತೆಗಾಗಿ ಡಿ.21 ರಿಂದ 24 ರವರೆಗೆ ನಾಲ್ಕು ದಿನಗಳ ಕಾಲ ಶಿಕ್ಷಣ ಸಂಸ್ಥೆಯ ಆವರಣದಲ್ಲಿ ಆಯೋಜಿಸಲಾಗಿದ್ದ ಡೆಸ್ಟಿನಿ-2023 ವರ್ಣರಂಜಿತ ಕಾರ್ಯಕ್ರಮ ಭಾನುವಾರ ತೆರೆಕಂಡಿತು.
ಹಾಸ್ಯ ಚಟಾಕಿಯಿಂದಲೆ ನಾಡಿನಾದ್ಯಂತ ಎಲ್ಲರ ಮನಗೆದ್ದಿರುವ ಸುಧಾ ಬರಗೂರು, ಪ್ರಹ್ಲಾದ್‍ಜೋಶಿ, ಮಿಮಿಕ್ರಿ ಗೋಪಿ, ರಾಘವೇಂದ್ರ ಆಚಾರ್ಯ ಇವರುಗಳು ಮೊದಲ ದಿನ ಹಾಸ್ಯದ ರಸದೌತಣ ನೀಡಿದರು.
ಎರಡನೆ ದಿನವಾದ ಶುಕ್ರವಾರ ಮ್ಯೂಸಿಕಲ್ ಡೈರೆಕ್ಟರ್ ಅರ್ಜುನ್‍ಜನ್ಯರವರ ಹಾಡಿಗೆ ನೆರೆದಿದ್ದ ಜನಸ್ತೋಮವೇ ನಿಬ್ಬೆರಗಾಗಿ ಕಾರ್ಯಕ್ರಮವನ್ನು ಸವಿಯಿತು.
ಮ್ಯೂಸಿಕಲ್ ಕನ್ಸ್‍ರ್ಟ್ ಕನ್ನಡ ರ್ಯಾಪರ್ ಚಂದನ್‍ಶೆಟ್ಟಿ ಕಾರ್ಯಕ್ರಮ ಅಮೋಘವಾಗಿತ್ತು.
ಭಾನುವಾರದ ಡಿಜೆ ನೈಟ್ ಕೂಡ ಮನಮೋಹಕವಾಗಿತ್ತು.
ಡೆಸ್ಟಿನಿ ಕಾರ್ಯಕ್ರಮಕ್ಕಾಗಿ ಶಿಕ್ಷಣ ಸಂಸ್ಥೆಯ ಆವರಣವನ್ನು ಕಂಗೊಳಿಸುವಂತೆ ವಿದ್ಯುತ್ ದೀಪಗಳಿಂದ ಅಲಂಕರಿಸಲಾಗಿತ್ತು. ನಾಲ್ಕು ದಿನದ ಕಾರ್ಯಕ್ರಮ ವೀಕ್ಷಣೆಗೆ ಬಂದವರಿಗೆ ಯಾವುದೇ ರೀತಿಯ ತೊಂದರೆಯಾಗದಂತೆ ಅಚ್ಚುಕಟ್ಟಾಗಿ ಆಸನಗಳ ವ್ಯವಸ್ಥೆ ಕಲ್ಪಿಸಲಾಗಿತ್ತು.
ದೇವರಾಜ್ ಅರಸ್ ಶಿಕ್ಷಣ ಸಂಸ್ಥೆಯ ಕಾರ್ಯದರ್ಶಿ ಹೊಳಲ್ಕೆರೆ ಶಾಸಕ ಡಾ.ಎಂ.ಚಂದ್ರಪ್ಪ, ಆಡಳಿತಾಧಿಕಾರಿ ಶ್ರೀಮತಿ ಎಸ್.ಚಂದ್ರಕಲಾ, ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಯುವ ಉತ್ಸಾಹಿ ಎಂ.ಸಿ.ರಘುಚಂದನ್ ಇವರುಗಳು ನಾಲ್ಕು ದಿನಗಳ ಕಾಲ ಕಾರ್ಯಕ್ರಮದ ಹೊಣೆಹೊತ್ತು ಎಲ್ಲಿಯೂ ಲೋಪವಾಗದಂತೆ ನಿಭಾಯಿಸಿದರು.
ಡೆಸ್ಟಿನಿ-2023 ಕಾರ್ಯಕ್ರಮದ ಯಶಸ್ಸಿನ ಹಿಂದೆ ಡಿ.ದೇವರಾಜ್ ಅರಸ್ ಶಿಕ್ಷಣ ಸಂಸ್ಥೆಯ ಇಡಿ ಸಿಬ್ಬಂದಿಯ ಸಹಕಾರವೂ ಅಡಗಿತ್ತು.
