ಚಿತ್ರದುರ್ಗ | ಪೌರ ಕಾರ್ಮಿಕರಿಗೆ ಯೋಗ ತರಬೇತಿ

ಚಿತ್ರದುರ್ಗ. ಜೂನ್18: ಇದೇ ಜೂನ್ 21ರಂದು ನಡೆಯುವ 10ನೇ ಅಂತರಾಷ್ಟ್ರೀಯ ಯೋಗ ದಿನದ ಪ್ರಯುಕ್ತ ಚಿತ್ರದುರ್ಗ ನಗರಸಭೆಯ ಎಲ್ಲ ಪೌರಕಾರ್ಮಿಕರಿಗೆ ಯೋಗ ತರಬೇತಿ ಕಾರ್ಯಕ್ರಮ ನಡೆಯಿತು.

ಈಶ್ವರಿ ವಿಶ್ವವಿದ್ಯಾಲಯದ ಸಹಯೋಗದೊಂದಿಗೆ ನಗರಸಭೆಯ ಎಲ್ಲಾ ಪೌರಕಾರ್ಮಿಕರಿಗೆ ಐದು ದಿನಗಳ ಯೋಗ ತರಬೇತಿ ಈಗಾಗಲೇ ಪ್ರಾರಂಭವಾಗಿದ್ದು, ಪೌರಕಾರ್ಮಿಕರಿಗೆ ಯೋಗಾಸನ, ಜ್ಞಾನಯೋಗ, ನೈತಿಕ ಮೌಲ್ಯ, ಆತ್ಮಶುದ್ಧಿ ಹಾಗೂ ದೈಹಿಕ, ಮಾನಸಿಕ ಆರೋಗ್ಯ ಸೇರಿದಂತೆ ವಿವಿಧ ವಿಷಯಗಳ ಕುರಿತು ಮಾಹಿತಿ ನೀಡಲಾಯಿತು.