ಚಿತ್ರದುರ್ಗ | ಆಸ್ಪತ್ರೆ ಪಕ್ಕದಲ್ಲಿ ಅನಾಮಧೇಯ ವ್ಯಕ್ತಿ ಶವ : ವಾರಸುದಾರರ ಪತ್ತೆಗೆ ಮನವಿ

ಚಿತ್ರದುರ್ಗ.30: ಚಿತ್ರದುರ್ಗ ನಗರದ ಜಿಲ್ಲಾ ಆಸ್ಪತ್ರೆಯ ಮುಖ್ಯ ದ್ವಾರದ ಪಕ್ಕದ ಮರದ ಕೆಳಗೆ ಸುಮಾರು 35-40 ವರ್ಷದ ಅನಾಮಧೇಯ ಗಂಡಸಿನ ಶವ ಪತ್ತೆಯಾದ ಕುರಿತು ಚಿತ್ರದುರ್ಗ ನಗರ ಪೊಲೀಸ್ ಠಾಣೆಯಲ್ಲಿ ಆಗಸ್ಟ್ 25 ರಂದು ಪ್ರಕರಣ ದಾಖಲಾಗಿದೆ.

ಅನಾಮಧೇಯ ವ್ಯಕ್ತಿಯು 5.6 ಅಡಿ ಎತ್ತರ, ಕೋಲು ಮುಖ, ಗೋಧಿ ಮೈಬಣ್ಣ, ತೆಳು ಶರೀರ, ತಲೆಯಲ್ಲಿ ಕಪ್ಪು ಬಿಳಿ ಮಿಶ್ರಿತ ಕೂದಲು ಹಾಗೂ ಕುರುಚಲು ಗಡ್ಡ, ಎಡಗೈ ಮೇಲೆ ಸುಚಿತ್ರ ಎಂಬ ಹಚ್ಚೆ ಇರುತ್ತದೆ. ಚೌಕವುಳ್ಳ ಬಾದಾಮಿ ಬಣ್ಣದ ತುಂಬು ತೋಳಿನ ಅಂಗಿ, ಚೌಕವುಳ್ಳ ನೀಲಿ ಬಣ್ಣದ ಪಂಚೆ, ನೀಲಿ ಬಣ್ಣದ ಕಾಚಾ ಧರಿಸಿರುತ್ತಾರೆ.

ಮೃತ ಅನಾಮಧೇಯ ಪುರುಷನ ಹೆಸರು, ವಿಳಾಸ, ಗುರುತು ಪತ್ತೆಯಾದಲ್ಲಿ ಎಸ್.ಪಿ ದೂರವಾಣಿ ಸಂಖ್ಯೆ 9480803101, ಅಪರ ಅಧೀಕ್ಷಕರ ಸಂಖ್ಯೆ 9480803101, ನಗರ ಠಾಣೆ ಪಿಐ ಸಂಖ್ಯೆ 9480803146, ಜಿಲ್ಲಾ ಕಂಟ್ರೋಲ್ ರೂಂ ಸಂಖ್ಯೆ 9480803100, 08194-222782 ಗೆ ಸಂಪರ್ಕಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.