40 ದಾಟಿದ ಪುರುಷರಲ್ಲಿ ವಿಟಮಿನ್ ಬಿ12 ಕೊರತೆಯಿಂದ ಈ ಲಕ್ಷಣಗಳು ಕಾಣಿಸುತ್ತಿವೆಯಾ..? ಹಾಗಾದ್ರೆ ಎಚ್ಚರ..!
ಮಹಿಳೆಯರಿಗೆ ಮಾತ್ರವಲ್ಲ ಪುರುಷರಿಗೂ ವಯೋಸಹಜ ಕಾಯಿಲೆಗಳು ಕಾಣಿಸಿಕೊಳ್ಳುತ್ತವೆ. ವಯಸ್ಸಾದಂತೆ ದೇಹದಲ್ಲಿ ಹಲವು ರೋಗಲಕ್ಷಣಗಳು ಗಮನಕ್ಕೆ ಬರುತ್ತವೆ. ಅದರಲ್ಲೂ 40 ದಾಟಿದ ಗಂಡಸರಲ್ಲಿ ವಿಟಿಮಿನ್ ಗಳ ಕೊರತೆ ಎದುರಾಗಬಹುದು. ಆದ್ದರಿಂದ ಏನೆಲ್ಲಾ ಸಮಸ್ಯೆಗಳು ಕಾಡುತ್ತವೆ ಎಂಬುದನ್ನು ನೋಡೋಣಾ.
* ಪುರುಷರಲ್ಲಿ 40 ವಯಸ್ಸು ದಾಟಿದ ಮೇಲೆ ಸಾಮಾನ್ಯವಾಗಿ ಬಿ12 ವಿಟಮಿನ್ ಗಳ ಕೊರತೆ ಕಾಣಿಸಬಹುದು. ಇದನ್ನು ರಿಕವರಿ ಮಾಡಿಕೊಳ್ಳಲು ಮೊಟ್ಟೆ, ಮಾಂಸ, ಮೀನು ಹಾಗೂ ಹಾಲಿನ ಉತ್ಪನ್ನಗಳನ್ನು ತಿನ್ನುವುದು ಮುಖ್ಯವಾಗುತ್ತದೆ.
* ದೇಹದಲ್ಲಿ ವಿಟಮಿನ್ B12 ಕಡಿಮೆಯಾಗಿದ್ದರೆ ಕಾಲು, ಕೈ ಜೋಮು ಹಿಡಿಯುತ್ತದೆ. ಇದರಿಂದ ನರಗಳಿಗೆ ಹಾನಿಯಾಗುತ್ತದೆ.
* ಮಧ್ಯ ವಯಸ್ಕ ಪುರುಷರಲ್ಲಿ ನಿಶ್ಯಕ್ತಿ ಮತ್ತು ಬಳಲಿಕೆ ಕಂಡುಬಂದರೆ ಆಗ ಇದು ವಿಟಮಿನ್ ಬಿ12 ಕೊರೆಯಿಂದ ಎಂದು ಹೇಳಬಹುದು. ವಿಟಮಿನ್ ಬಿ12 ಶಕ್ತಿ ಉತ್ಪಾದಿಸುತ್ತದೆ. ಇದರ ಕೊರತೆಯಿಂದ ಕೈ ಮತ್ತು ಇತರ ಅಂಗಾಂಗಗಳಲ್ಲಿ ನಿಶ್ಯಕ್ತಿ ಕಾಣಿಸಬಹುದು.
* ದೇಹದಲ್ಲಿ ವಿಟಮಿನ್ ಬಿ12 ಕೊರತೆಯಾದರೆ ಆಗ ಇದರಿಂದ ಕೈಗಳಲ್ಲಿ ಊತ ಕಂಡುಬರಬಹುದು. ಕೈಗಳು ಕೆಂಪಾಗಿ ಊದಿಕೊಂಡು ನೋವು ಉಂಟು ಮಾಡಬಹುದು.
* ದೇಹದ ಸಮತೋಲನಕ್ಕೆ ತೊಂದರೆಯಾಗಿ ನಡೆಯಲು ಕಷ್ಟವಾಗಬಹುದು. ಕೈಗಳು ಸರಿಯಾಗಿ ಚಲಿಸದೆ ಇರುವುದು ಕೂಡ ವಿಟಮಿನ್ ಬಿ12 ಕೊರತೆಯ ಲಕ್ಷಣಗಳು. ಹೀಗಾಗಿ 40 ದಾಟಿದ ಪುರುಷರು ಆದಷ್ಟು ವಿಟಮಿನ್ B12 ಇರುವಂತ ಆಹಾರಗಳನ್ನು ಸೇವಿಸುವುದು ಬಹಳ ಮುಖ್ಯವಾಗುತ್ತದೆ. ದಿನ ನಿತ್ಯದ ಆಹಾರ ಪದಾರ್ಥಗಳಲ್ಲೂ ಆ ರೀತಿಯಾದಂತ ಆಹಾರವನ್ನೇ ಸೇವಿಸುವ ಮೂಲಕ ವಿಟಮಿನ್ ಗಳನ್ನು ಪಡೆಯಿರಿ.
(ಪ್ರಮುಖ ಸೂಚನೆ: ಆರೋಗ್ಯ ತಜ್ಞರು ಮತ್ತು ಇತರ ಅಧ್ಯಯನಗಳಿಂದ ಪಡೆದ ಮಾಹಿತಿಯ ಆಧಾರದ ಮೇಲೆ ನಾವು ಈ ವಿವರಗಳನ್ನು ಒದಗಿಸುತ್ತಿದ್ದೇವೆ. ವಿಷಯಗಳು ಕೇವಲ ತಿಳುವಳಿಕೆಗಾಗಿ ಮಾತ್ರ. ನಿಮಗೆ ಯಾವುದೇ ಅನುಮಾನಗಳು ಅಥವಾ ಸಮಸ್ಯೆಗಳಿದ್ದರೆ ವೈದ್ಯರನ್ನು ಸಂಪರ್ಕಿಸುವುದು ಸೂಕ್ತ.)